Kur do mësojë të lexojë fëmija im?

KidoCare
Kur do mësojë të lexojë fëmija im?

Shumica e fëmijëve mësojnë të lexojnë mes kopështit dhe klasës së dytë, por kjo ndodh vetëm kur dikush; një mësues, prind, gjysh apo mik më i madh, ia mëson.

Edhe nëse i lexoni me zë fëmijës suaj që gjatë shtatzënisë dhe nuk e lini pa lexuar asnjë ditë deri në moshën 5 vjeç, fëmija juaj prapë do të ketë nevojë të mësojë si të deshifrojë fjalët e shkruara në faqe.

Shumica e fëmijëve kalojnë nëpër disa faza të rëndësishme për t'u bërë lexues të mirë, domethënë, për të qenë në gjendje të kuptojnë dhe nxjerrin kuptim nga ajo që lexojnë.

Monitoroni fazat e zhvillimit të leximit

Ju si prind duhet të vëzhgoni e ndiqni këto faza të zhvillimit për t’u siguruar që fëmija është në rrugën e duhur.

Parashkollorët janë zakonisht në fazën e para-leximit.

Në këtë fazë:

-Ata mund të përsërisin historitë që u janë lexuar shpesh.

-Librat me rimë dhe me strukturë të përsëritur ndihmojnë shumë.

-Ata nuk janë ende duke lexuar fjalët në mënyrë të vërtetë, por "bëjnë sikur lexojnë", sepse e kanë kuptuar që librat kanë kuptim dhe që shkronjat përfaqësojnë fjalë.

Çfarë ndodh në klasë të parë?

Në kopësht, fëmija duhet të mësojë të dallojë tingujt e ndryshëm që prodhojnë shkronjat, një aftësi shumë e rëndësishme që i paraprin leximit.

Pa këtë aftësi, as mësimi më i mirë fonetik nuk do të funksionojë.

Në klasën e parë, fëmija kalon në fazën e dekodimit:

-Mëson të lidhë shkronjat me tinguj.

-Fillon të kuptojë që fjalët e shkruara përputhen me fjalët që i thotë me gojë.

Në këtë fazë, fëmija mund të kuptojë shumë më shumë fjalë kur i dëgjon, sesa kur përpiqet t’i lexojë vetë.

Kur bëhet lexues i pavarur?

Me kalimin e kohës:

-Fëmija bëhet më pak i varur nga leximi i ngadaltë shkronjë pas shkronje.

-Fillon të përqendrohet më shumë në kuptimin e asaj që lexon.

-Arrin të lexojë libra më të vështirë në mënyrë të pavarur.

Shpërndaje:

Shkruar nga

KidoCare