A është normale që bebi im duket i zemëruar?

Po, është krejt normale.

Edhe një foshnjë e porsalindur mund të qajë me “zemërim” nëse zgjohet i uritur dhe nuk ushqehet menjëherë. Qarja është mënyra kryesore përmes së cilës bebet shprehin nevojat e tyre, për ushqim, ngrohtësi, ndërrim pelene, apo kur janë të lodhur, të sëmurë apo në dhimbje.

Disa foshnja kanë temperament më të fortë dhe reagojnë më ashpër ndaj mjedisit, duke u dukur më të nervozuara ose të mërzitura.

Kur “zemërimi” është pjesë normale e zhvillimit

Shpërthimet e vërteta të nervave zakonisht fillojnë nga 12 deri në 18 muaj, por më herët bebet mund të kenë “mini shpërthime” për shkak zhgënjimi ose lodhjeje.

Nëse bebi yt qan, por është i ushqyer dhe ka pelenë të pastër, mund të jetë thjesht mënyra e tij për të shkarkuar tensionin ose për të fjetur më lehtë.

Edhe fëmijët e qetë mund të frustrohen kur duan të eksplorojnë, por ende nuk mund të bëjnë gjithçka vetë.

Si duhet të reagojë prindi

Qëndro i qetë dhe mos e humb durimin.

Nëse bebi ka temperament të vështirë, ndihmon shumë që prindërit të ruajnë qetësinë. Foshnjat e ndiejnë tensionin e të rriturve dhe mund të qajnë më shumë kur ndiejnë stres.

Krijo një mjedis të qetë dhe të ngrohtë, kjo ndihmon më shumë se çdo “ndëshkim”.

Mos ki frikë se do ta “llastosh” duke reaguar shpejt ndaj nevojave të tij. Bebet nuk manipulojnë; ato kërkojnë siguri dhe ngushëllim.

Nëse ndihesh i lodhur, kërko ndihmë nga dikush tjetër për ta zëvendësuar për pak kohë.

Kur të kërkosh ndihmë mjekësore

Kontakto pediatrin nëse:

Bebja është e paqetë për një kohë të gjatë dhe nuk qetësohet dot;

Dyshon se mund të ketë dhimbj ose sëmundje;

Sjellja e tij e mërzitur është e vazhdueshme dhe ndërhyn në gjumin apo ushqyerjen e zakonshme.